We write the truth, without fear or favor, to bring you the news and images from Southern Philippines|Wednesday, December 13, 2017
You are here: Home » Featured » Aquino nagpasalamat sa konsiderasyon ni Widodo sa kaso ni Mary Jane Veloso
  • Follow Us!

Aquino nagpasalamat sa konsiderasyon ni Widodo sa kaso ni Mary Jane Veloso 

TODO ang pasalamat karon sa gobyerno sa Pilipinas kang Indonesian President Joko Widodo sa paghatag og konsiderasyon sa apela ni Presidente Benigno Aquino nga mahatagan og reprieve o paglangan ang kaso ni Mary Jane Veloso.

Matud pa ni Presidential Communications Operations Officer Sonny Coloma, ang reprieve ni Veloso usa ka kahigayonan aron mahatagan og katin-awan ang kaso ug kun gi-unsa siya pag-ilad sa mga sindikato aron mahimong drug mule.

Matud pa ni Coloma, nagpasalamat usab sila sa katawhang Pilipino sa pag-ampo ug vigil alang sa kaluwasan ni Mary Jane.

Kahinumdoman nga tungod sa apela ni Presidente Aquino kang Widodo, gihatagan og pagtagad ang hangyo alang kang Mary Jane nga ma-reprieve aron ibutyag ang mga drug traffickers nga migamit kaniya.

“The Philippine government thanks President Widodo and the Indonesian government for giving due consideration to President Aquino’s appeal that Mary Jane Veloso be given a reprieve. Such reprieve provides an opportunity for the perpetuation of her testimony that could shed light on how a criminal syndicate duped her into being an unwitting accomplice or courier in their human and drug trafficking activities. We also thank the Filipino people for their prayers and for keeping vigil for Mary Jane’s cause”.

Samtang giseguro usab ni Coloma nga mo-usad ang kaso sa Pilipinas batok sa giingong nangbiktima kang Veloso aron mapamatud-an sa Indonesia nga biktima lamang kini.

“Our Department of Justice will do a case build-up and provide the information to the Indonesian authorities, so that the position of Mary Jane may be clarified, that she was a victim of a human trafficking and illegal drug trafficking syndicate,” dugang pa ni Coloma. (Elvira Bongosia)

Like Us on Facebook: https://www.facebook.com/mindanaoexaminer
Follow Us on Twitter: https://twitter.com/MindanaoExamine
Read Our News on: http://www.mindanaoexaminer.com/ and http://www.mindanaoexaminer.net/
Share The News

1,373 total views, 5 views today

Add a Comment