BIGtheme.net http://bigtheme.net/ecommerce/opencart OpenCart Templates
‘Bong Go’s Corporate Social Responsibility’ By Jun Ledesma
May 11, 2018
Security forces hold 6 Abu Sayyaf fighters
May 12, 2018
Show all

 ‘Ang Corporate Social Responsibility ni Bong Go’ Ni Jun Ledesma

Sulat gikan sa Davao: ‘Ang Corporate Social Responsibility ni Bong Go’ Ni Jun Ledesma

ANG GOBYERNO sa daghang aspeto mora ra sab og usa ka dakong korporasyon. Ug susama sa pribado nga korporasyon o kompaniya nga gipanag-iya sa gobyerno, nagaimposar kini sa iyang kaugalingon og corporate social responsibility, programa nga dili prinsipal nga tuyo apan nagagahin sila og bahin sa ilang kita aron sa pag-adto sa mga komunidad nga nagkinahanglan og tabang.

Ang mga korporasyon sa gobyerno, ilawom sa payong sa Gender and Development Program, gimandoan sa balaod nga mogahin og 5% sa ilang budget para sa GAD. Samtang kini gidisenyo aron mahimong kabahin gyud ang gender equality sa ilang mga programa, pwede sab ang GOCCs nga mogamit niining pundoha para sa mga proyekto sa CSR ilabi na kadtong maghatag og pupareha nga mga kahigayonan ug mga kaakohan sa kababayen-an ug kalalakin-an sa ahensya nga nagaimplementar niini ug sa mga komunidad nga benepisyaryo.

Mas dako og pleksibilidad ug kagawasan ang mga pribadong korporasyon sa pag-implementar sa ilang mga programa sa CSR tungod kay dili sila ilawom sa paghiling sa awdit sa gobyerno ug kinahanglan lang mosubay lang sila sa mga guideline o gabayan nga gilatid mismo sa kompaniya. Ang Anvil Awards sa Public Relations Society of the Philippines nagahatag ug pag-ila, premyo, publisidad ug kadungganan sa mga kompaniya nga pribado o giangkon sa gobyerno nga dunay mga proyekto nga mopausbaw sa kinabuhi ug panginabuhi sa mga komunidad nga benepisyaryo.

Sa pagkatinuod, ang pag-implementar og CSR dili sayon nga mora lang ka og nagsuroysuroy og parke.  Mao na nga gibati ko og tumang kaluoy kang Sek. Christopher “Bong” Go tungod kay akong naobserbahan karong bag-o nga kinahanglan mohimo siya og wala maandi nga mga trabaho nga angay nga naa sa ilawom sa CSR sa gobyerno pwera pa sa realidad nga kini dinagko gyud kaayo.  Si Bong Go ang bangko sa mga impormasyon sa iyang boss, Pres. Rodrigo R. Duterte, ug sa samang panahon nagdumala sa  Presidential Management Staff. Isip boss sa PMS, siya ang nagaatiman sa mga reklamo, mga pangutana sa pagpakisayod ug mga hangyo og tabang gikan sa katawhan.

Isip PMS maingon nako nga susama siya og opisyal sa trapiko nga nagatultol ug nagadumala sa rota sa komunikasyon gikan sa katawhan ngadto sa haum nga mga ahensya sa gobyerno alang sa angay ug hinanali nga aksyon. Ang iyang opisina ang unang lakang aron maputol ang red tape o mga paglangaylangay sa opisina sa gobyerno. Tungod niini, wa gyuy puangod ang mga kapareha ni Pia Ranada sa Rappler nga mopasumbingay nga dunay iregularidad o iligal nga gihimo ni Sekretaryo Bong, ang Special Assistant to the President, sa iyang pag-endorso pinaagi sa mubo nga nota sa daplin sa mga dokumento bahin sa isyu sa kontrata sa prigata ngadto sa hingtungdang ahensya nga mao ang Department of National Defense para sa angay nga aksyon.

Tungod sa kadaghan ug kadako sa trabaho sa iyang boss, si Bong, nga maoy iyang gustong tawag, karon ang nagarepresentar sa Presidente sa mga biyahe nga wala maeskedyul tungod sa mga katalagman nga nahitabo, kamatayon ug uban pang mga emergency. Daladala niya ang personal nga mensahe sa Presidente ug angay nga hinabang. Idugang pa dinhi sa maong trabaho ang nagakadaghan nga mga apila para sa hinabang nga gipadangat sa mga lungsoranon pinaagi sa mga programa sa radyo. Si Cesar Chavez sa dzRH pananglitan hapit na malumos sa mga hangyo gikan sa iyang mga suki nga tigpaminaw nga ipadangat ang ilang mga mulo, hangyo ug mga kabalaka ngadto kang Sekretaryo Bong.

Maayo gani kay si Bong sulod sa mga katuigan nga nagserbisyo kauban ang iyang boss nakaadjust na sa iyang kinabuhi ug himsog ug lagsik tungod sa iyang pagkahinula og basketbol. Ang Presidente, bisan Mayor pa lang siya sa Davao City, mosuroysuroy sa siyudad samtang ang tanan nahinanok na sa ilang pagkatulog. Bisan og si Bong dili nagasakay og motorsiklo sama sa iyang amo, duol ra siya kaayo. Sa panahon sa kalamidad si Bong ang usa sa mga unang moresponde. Usa ka beses kaniadto sa dihang dunay usa ka kalit ug wa damha nga baha nga ninglamon sa usa ka subdivision nga duol sa akong gipuy-an ug ang tubig ning-abot na sa mga atop sa kabalayan, nakit-an si Bong nga ningsalbar sa mga tawo nga didto na lang nagatungko sa ilang mga atop tungod sa kalawom sa tubig. Iya ni silang gipasakay sa iyang jet-ski ug gidala sa lugar nga luwas.

Lakbitan nato og balik si Pia Ranada. Isip bag-ong reporter sa Rappler nga ang assignment mao ang kampanya ni Duterte sa una niining pag-asdang sa bugnong lugaynon pagka Pangulo sa nasud, nahulog siya sa usa ka lawom nga kanal sa dihang ang dakong duot sa katawhan nga gustong motan-aw sa Mayor nga kandidato pagka Presidente nawad-an og disiplina ug ningtulod kaniya ngadto sa ngilit sa kanal. Si Bong ug ang iyang boss ningputol sa maong yugto sa kampanya aron dad-on si Pia sa ospital. Wa siya biyai ni Bong ug ni Mayor Duterte hangtud nga ang mga doktor ningpasalig sa ilaha nga okay na ang kahimtang ni Pia.

Sa pagkakaron, nakatutok si Pia sa trabahong pagpangita og sayop sa Presidente ug ni Bong ug di pa lang gyud dugay nga ningbuhi siya og pahayag nga hadlok daw si Duterte kaniya kay kamatuoran man lang gud daw ang iyang ginabatbat. Kun atong subayon, ang iyang “kamatuoran” naggikan sa namakak nga mga testigo nga sila si Edgar Matobato ug Arthur Lascanas. Si Bong nabahinan sab sa pagkamadalidalion, pagkamahinaykon ug pagkamaoy ni Pia. Human niya atubanga ang Senado ug gitubag ang tanang tinumotumo nga mga pasangil ug gilimpyohan ang iyang pangalan, ang special assistant to the President ningbalik dayon sa iyang trabaho nga pwerteng bug-ata ug mora og tinibo nga dinagko kaayo nga corporate social responsibility. (Jun Ledesma)

Like Us on Facebook: https://www.facebook.com/mindanaoexaminer
Follow Us on Twitter: https://twitter.com/MindanaoExamine
Read Our News on: http://www.mindanaoexaminer.com/
http://mindanaoexaminernewspaper.blogspot.com/
Share Our News
Digital Archives: http://issuu.com/mindanaoexaminernewspaper

16,926 total views, 0 views today