ZAMBOANGA DEL NORTE (Mindanao Examiner / Dec. 29, 2012) – Lalong pinagtibay ng mining firm TVI Resource Development (Phils) ang community disaster preparedness nito sa Zamboanga del Norte province kasabay ng sunod-sunod na kalamidad sa Mindanao.
May operations ang TVIRD sa Mount Canatuan sa bayan ng Siocon at gayun rin sa Balabag Hill sa bayan naman ng Bayog sa Zamboanga del Sur at bahagi umano ng paghahanda nito ang kaligtasan ng mga komunidad sa bagyo at iba pang kalamidad sa kanilang lugar.
Nitong lingo lamang ay agad nailikas ng TVIRD disaster response team ang mga residente sa Barangay Agolo sa bayan ng Siocon bago pa man rumagasa ang bagyong Quinta, ayon kay Kaycee Crisostomo, ang tagapagsalita ng kumpanya.
Nabatid na ang naturang lugar ay tinitirhan ng mga informal settlers at umaasa sa ekonomiyang ibinibigay ng TVIRD sa nasabing bayan. Ngunit nasa paanan naman ito ng Canatuan kung kaya’t delikado sa landslides at flash floods.
“Oo at bago pa man dumating ang bagyo ay nasa ligtas na lugar na ang mga residente ng Agolo at buti na lamang ay hindi naman tayo naapektuhan ng husto ng kalamidad,” ani Crisostomo.
Kinumpirma rin ito ni TVIRD General Manager Heliodoro Valmores. “Agolo community sits beside a landslide-prone area and we cannot afford to risk the safety of the people living there,” wika pa ni Valmores.
Kasama ang mga trabahador at empleyado ng TVIRD sa naturang evacuation ng mga residente doon. (Mindanao Examiner)
20