PAGADIAN CITY (Mindanao Examiner / July 24, 2014) – Dalawang katao ang patay at isa ang sugatan sa hiwalay na pamamaril sa Zamboanga del Sur province sa western Mindanao.
Sinabi ng pulisya na pinaslang ng di-kilalang salarin si Simeon Monsanto, 56, at sugatan naman ang anak nitong babae na 11-taon gulang lamang matapos ratratin ng di-kilalang salarin ang ama at nahagip ng bala ang babae sa kanyang dibdib.
Naganap ang atake sa loob ng kanilang bahay sa Purok 6 sa bayan ng Mahayag bago maghating-gabi nitong Miyerkoles. Hindi pa mabatid ang motibo o kung sino ang nasa likod ng pamamaril.
Sa bayan naman ng Sominot, isang albularyo naman ang pinaslang sa Barangay Barubuhan ng di-kilalang armado Miyerkoles rin ng gabi. Kinilala naman ng pulisya ang biktima na si Damaso Andales, 55.
Binaril si Andales sa labas ng bahay ni Trinidad Superales na kung saan ay doon ito natutulog at mabilis naman na tumakas ang salarin. Ayon sa pulisya ay posiboleng homemade shotgun ang ginamit sa pamamaslang dahil sa tama ng biktima sa kanyang braso at dibdib.
Walang umako sa dalawang pamamaslang at sinabi ni Insp. Dahlan Samuddin, ang regional police spokesman, na patuloy pa rin hanggang ang pagsisiyasat ng awtoridad sa naturang karahasan.
“Ongoing pa yun investigation natin sa Zambo Sur at hindi pa natin alam ang motibo at kung sino ang nasa likod nito,” ani Samuddin sa Mindanao Examiner.
20