DAVAO CITY – Pormal ng inanunsyo ngayon Linggo ni Davao City Vice Mayor Paolo Duterte na 37 katao ang maaaring nasawi matapos silang makulong sa malaking sunog na lumamon sa NCCC Mall, isa sa pinakamalaki sa naturang lungsod.
Tanging dasal na lamang ang hinihingi ni Duterte sa publiko para sa kaligtasan ng mga biktima na umano’y mga call center agents at department store employees sa 3rd floor ng naturang mall ng sumiklab ang apoy kamakalawa ng umaga at kahapon lamang ito na-deklarang “fire out.” Gumuho rin ang malaking bahagi ng gusali.
“Ginoo palihug tabangi na kami. Naa pa sa sulod among mga kaigsuonang Davaoeño maluoy ka. Mga higala nidako napod ang kalayo,” ani Duterte. “Let us pray for them. A while ago, the ground commander of BFP (Bureau of Fire Protection) already announced that their chances of survival is zero.”
Kinilala naman nito ang mga nakulong sa building na sina Jessica Solis, Gantioco Celestial Jr, Ian Kiem Adlawan, Regine Generales, Christen Joy Garzon, Apple Jane Celades, Iana Apalacio, Jonas Basalan, Jim Benedict Quimsing, Kurtchin Angela Bangoy, Mary Joy Daluro, Randy Balcao, Rosyl Montanez, Missy Rose Artiaga, Analiza Penarejo, Christine Joy Ferraren, Ivan Roble, Christine Alviola, at Alexandra Moreno Castillo Hongijangjian.
Gayun rin sina Desiree Gayle Zacarias, Jesseca Samontina, Mary Louielyn Bongcayao, Nancy Loyd Abad, Jeffrey Sismar, Johani Matundo, Joyne Pabelonia, Elyn Joy Yorsua, Shiela Mae Bacaling, Mark Entera, Charlyn Liwaya, Mikko Demafeliz, Roderick Antipuesto, Rhenzi Nova Muyco, Roderick Constantinopla, Venus Joy Kimpo at Janine Joy Obo.
Nakausap na rin ni Pangulong Rodrigo Duterte ang mga pamilya ng nakulong sa mall at pinangakuan ng tulong habang patuloy ang imbestigasyon kahapon sa pinagmulan ng sunog. (Mindanao Examiner)
Like Us on Facebook: https://www.facebook.com/mindanaoexaminer
Follow Us on Twitter: https://twitter.com/MindanaoExamine
Read Our News on: http://www.mindanaoexaminer.com /http://mindanaoexaminernewspaper.blogspot.com/
Share Our News
Digital Archives: issuu.com/mindanaoexaminernewspaper
20
