CAGAYAN DE ORO CITY – Anim na katao ang nalason matapos na umano’y kumain ng wild mushrooms sa bayan ng Prosperidad sa lalawigan ng Agusan del Sur.
Nakilala ang mga biktima na ang mag-asawang Gerry Laroa, 39, at Emilie Laroa, 38; at mga anak na sina Jake, 12, at Jermilyn, 10. Gayun rin ang kapatid ni Emilie na sina Rexso, 28, at Eric, 16.
Nabatid na nabili lamang ng pamilya ang wild mushrooms sa isang lalaki na naglalako nito sa Purok Biyaisan sa Barangay San Joaquin kamakalawa. Niluto umano ang wild mushrooms at siyang naging hapunan ng pamilya.
Ngunit wala pang 10 minuto ay sinakitan na ng mga sikmura ang mga biktima hanggang sa magsuka ang mga ito. Naisugod sa pagamutan ang mga biktima at doon nabatid na posibleng dahil sa nakain nilang wild mushrooms kung kaya’t nalason ang mga ito.
Hindi naman agad mabatid kung anong uri ng fungus ang kanilang nakain, subali’t maraming mga mushrooms ang tumutubo sa kahuyan, lalo na kung matapos ng tag-ulan. Subali’t hindi naman lahat ng mga ito ay maaaring kainin dahil ang iba sa kanila ay mga may toxin o lason na puwedng ikamatay ng sinuman kakain nito. (Mindanao Examiner)
Like Us on Facebook: https://www.facebook.com/mindanaoexaminer
Follow Us on Twitter: https://twitter.com/MindanaoExamine
Read Our News on: http://www.mindanaoexaminer.com and http://www.mindanaoexaminer.net
20