CEBU – Ang 2015 National Budget makadugang sa kahigayonan nga paninglan ang gobyerno sa resulta sa mga gasto niini alang sa katawhan, matud ni government spokesman Herminio Coloma, Jr.
Sa budget sa 2014, ang gitawag nga mga ‘performance targets” gitumbok tumong sa mga about kun “outputs” o mga kaayuhan ug serbisyo nga makita diha sa mga ahensiya nga modala niini, samtang ang sa giduso nga budget sa 2015 naglakip sa mga ilhanan kun mga “indicators” sa sangputanan sa mga proyekto.
“Padayon nato’ng ipatuman ang mga nag-unang mga gitawag nga mga “basic management principle,” nga matag usa ka peso nga gastuhon sa gobyerno adunay bugti nga resultang ma-ihap,” matud ni Coloma nga mikutlo sa pulong ni Presidente Benigno Aquino, sa iyang 41 ka pahina sa iyang mensahe sa budget.
“Busa, kini nga budget wala lamang magpakita unsa ka daghan ang mga panimalay o pamilya ang makabenepisyo, sama sa Pantawid Pamilyang Pilipino Program, apan nagpakita usab kini unsa ka daghan sa benepisaryo ang naka haw-as na sa kawad-on ug naka-angat na sa kinabuhi nga aduna na’y makaon ug maka-irog na sa level nga puede na silang magpakabuhi nga sila ra,” pasabot ni Coloma.
Sa iyang mensahe kabahin sa budget, ang Presidente subling mipasabut nga ang iyang giduso nga 2015 budget makapabibo sa ekonomiya ug mosuporta sa uban pang ekonomiya sa nasud.
Nitutok usab kini sa mga angayan nga himoon alang sa kalambuan sa tanan, naghatag prayoridad sa mga kinahanglanon sa katawhan nga anaa sa kawad-on ug mga dapit nga nameligro sa kalamidad.
Ingon man, maghatag kini’g tingog sa katawhan kalabot sa ilang mga buhis, ug maghatag dugang kahigayonan nga paninglan ang gobyerno gi-unsa paggasto ang salapi sa katawhan, dugang sulti ni Coloma.
20