DAVAO CITY – Usa ka pulis ang namusil ug sibilyan sa dihang iya lang naalaan nga nangawat sa iyang motor.
Siya si PO2 Jozel Jorolan, 36, na assign sa Public Safety Battalion sa Davao City Police Office. Nag tingkagol siya karon sa Tugbok Police Station human wala niya gipusil si Mario Israel Magno, 49, nagpuyo sa Ulah Tugbok District dinhi ug usa siya ka tricycle driver sa maong dapit.
Naalaan lang ni Jorolan ang maong biktima nga nangawat sa iyang motorsiklo ug iyang gipaulanan ug bala ang biktima. Nahitabo kini niadtong gabie sa Lunes didto atubangan sa usa ka banko ug terminal sa mga tricycle driver sa Mintal.
Matud pa sa nakakita igo lang gi plastar sa biktima ang motor sa pulis kay natumba ug didto gipusil sa maka daghan nga higayon ang biktima. Matud pa sa SOCO, 23 ka basiyo sa bala ang nakuha sa crime scene.
Kikasuhan na sa ang suspetsado nga pulis matud pa ni Chief Inspector Ireneo Caburnay, hepe sa Tugbok Police Station. Matud pa ni sa Senior Insp. Mildred Driz, spokesperson sa Davao City Police Office ilang kasohan ang pulis ug criminal ug administrative case. (Marlon Gayog)
Like Us on Facebook: https://www.facebook.com/mindanaoexaminer
Follow Us on Twitter: https://twitter.com/MindanaoExamine
Read Our News on: http://www.mindanaoexaminer.com/ and http://www.mindanaoexaminer.net/
Share The News
20