Kapayapaan dapat panatilihin sa Mindanao

SULTAN KUDARAT – Nang dahil sa epekto ng mga iba’t ibang mga pananaw at kuro-kuro ng mga mamamayan sa ilang bahagi ng Sultan Kudarat, ilang lider ng mga barangay ang naka-ugnay hinggil sa kanilang posisyon sa nagaganap na mga usap-usapan sa halos kabuuan ng nasabing lalawigan.

Prominente sa naturan ay ang mga lideres ng Barangays Bagumbayan at Katiku sa bayan ng President Quirino, Sultan Kudarat, at maging sa hangganan ng bayan ng Lambayong at bahagi ng Isulan.

Sa kabuuan sinabi ng mga ito na mas marapat ay umiral ang pagiging mahinahon ng mag-kabilang panig at dapat umano na sa lalong madalinmg panahon ay maresolba o mabigyan ng malinaw at maayos na kasagutan ang sambayanang Pilipino kaugnay sa madugong insidente na tiyak anila ay nagsalang sa kredibilidad ng mga nag-uusap mula sa hanay ng Moro Islamic Liberation Front at maging sa pamahalaan Aquino.

Sa kaugnay, ayon pa sa mga ito ay malinaw na ang sinabi sa malayang pahayag ng ilang miyembro ng Special Action Force ay ang tila kawalan ng seguridad o proteksiyon sa kanilang hanay mula sa pamahalaan. Ayon pa sa mga lider na ito ay tila may hinala silang “pag-abuso o pananamantala” mula sa kani-kanilang nakakataas.

Ayon pa pa kay Barangay Kapitan Sancho Salamanca ng Katiku, hindi aniya dapat pang palawigin ang isyu o usapin at sa puntong naturan aniya ay magpakita ng katapatan ang MILF at pamahalaan sa tunay nilang layon sa nangyaring insidente.

Dapat din aniya na umiral ang mahinahong pag-uusap ng magkabilang panig sa pag-resolba sa isyu habang bigyang priyoridad aniya ang hustisyang hangad ng mga 44 na nasawing SAF commandos at maging sa hanay ng MILF rin. (Rose Muneza)

Like Us on Facebook: https://www.facebook.com/mindanaoexaminer
Follow Us on Twitter: https://twitter.com/MindanaoExamine
Read Our News on: http://www.mindanaoexaminer.com/ and https://mindanaoexaminer.com/
Share The News