CAGAYAN DE ORO CITY – Hawak ngayon ng militar ang 2 rebeldeng New People’s Army na umano’y sumuko sa lalawigan ng Bukidnon, ngunit inaalam pa ng mga opisyal kung bakit tumiwalag ang mga ito sa kanilang grupo.
Sa ulat na inilabas ng 4th Infantry Division, sinabi ni Maj. Christian Uy, ang tagapagsalita ng militar, na dalawang armas rin ang isinuko ng mga rebeldeng sina Etok Islao at Jovito Anlangan, Sr, sa Barangay Silipon sa bayan ng Libona.
Nais umano ng mga ito na makasama ang kanilang pamilya at makapagbagong-buhay sa ilalim ng Balik-Baril program. Humihingi rin ng amnestiya ang dalawa kapalit ng kanilang tulong sa militar kung sakaling pumasa sa interogasyon.
Walang detalye na inilabas ang militar ukol sa pagsuko ng dalawang rebelde. Matagal ng nakikibaka ang NPA sa pamahalaan upang makapagtatag ng sariling estado sa bansa. (Mindanao Examiner)
Like Us on Facebook: https://www.facebook.com/mindanaoexaminer
Follow Us on Twitter: https://twitter.com/MindanaoExamine
Read Our News on: http://www.mindanaoexaminer.com/ and http://www.mindanaoexaminer.net/
Share The News
20
