GIBARUGAN sa Malakanyang ang pagpatuman sa K to 12 program taliwala sa mga petisyon batok niini sa Korte Suprema.
Matud pa ni Sec. Herminio Coloma Jr., ipatuman pa gihapon sa gobyerno ang K to 12 program samtang walay kamanduan ang Korte Suprema kalabot sa gihimong petisyon ni Sen. Antonio Trillanes.
“Mahalaga sa kinabukasan ng bansa ang K to 12 kaya’t paninindigan ng pamahalaan ang kahalagahan nito sa SC,” (Mahinungdanon sa kaugmaon sa nasud ang K to 12 maong gibarugan sa gobyerno ang kamahinungdanono niini sa SC),” pasabot pa ni Coloma.
Kahinumdoman nga gi-kuwestyon ni Trillanes ug Magdalo Party ang K to 12 program sa High Tribunal nga giingong batok kini sa Konstitusyon.
“Ginagawa ang lahat para sa maayos na pagpapatupad ng program at isinasaalang-alang ang kapakanan ng mga mag-aaral at guro,” (Gihimo ang tanan alang sa maayo nga pagpatuman sa programa ug gihuna-huna ang kaayohan sa mga tinun-an ug magtutudlo) dugang pa ni Coloma.
Pasabot pa ni Coloma, ang mga giingong disbentahang dala sa pagpatuman sa K to 12 gitubag na sa Department of Education, Commission on Higher Education ug Technical Education and Skills Development Authority. (Elvira C. Bongosia)
20
