PAGADIAN CITY (Mindanao Examiner / Apr. 22, 2014) – Gipasabot ni Provincial Legal Oficer Atty. Felix Escalate, Jr. ang mahitungod sa gi-dismiss nga kaso nga gipasaka batok kang kanhing gobernadora ug kasamtangang Congresswoman Auring Cerilles ug iyang mga kaubanan sa kagamhanang probinsiyal kaniadto.
Aduna kiniy kalabutan sa mga pasangil nga kuno adunay gipalit kaniadto ang pro-vincial government nga mga medisina ug uban pang mga hospital equipment nga matod pa overpriced kini.
Kining maong kaso nasang-at sa Ombudsman ug human ang walo ka tuig sa pag-file sa maong reklamo ayha usab kini gi-file sa Sandigan Bayan ug ang nahitabo gani niini ang mga respondent o mga akusado nag-piyansa sa Sandigang Bayan aron makakuha sa temporaryo nga kagawasan.
Matod pa ni Escalante nga ang mga abogado sa mga akusado nag-file og mga nagkalain-laing motion aron ipakita nga dili na magpadayon ang kaso sa Sandigan Bayan tungod kay adunay konstitusyonal nga mga katungod sa mga akusado nga nalapas sa Ombdudsman sa dihang gi-file kining maong kaso.
Kini kay ang matag akusado o respondent sa usa ka criminal investigation nga himoon sa Ombudsman aduna silay katungod nga ang preliminary investigation mahuman sa labing dali nga panahon kay kun dili mahuman sa daling panahon mahimo kining violation o paglapas sa constitutional right sa due process ug cons-titutional right sa speedy trial kay apil niini ang preliminary investigation.
Mao nga tungod kay dugay kaayo nga na-file ang kaso sa Ombudsman ngadto sa Sandigan Bayan nahimo kining basihan sa mga abogado sa mga akusado para mag-file og motion to dismiss ug didto ilang gipasabot nga adunay mga miagi nga kaso nga nadesisyunan sa Supreme Court nga nagsulti nga ang paghimo sa preli-minary investigation sa Ombudsman sa bisan unsan government agency kabahin niini kinahanglang dili langay-langayon.
Kay kun moingon kita nga “justice delayed is justice denied” kana siya mo-apply sa proseso ug panahon nga gigugol ug gihatag sa pagpahigayon sa prelimineary investigation.
Matod pa ni Escalante nga malipayon sila kay ang motion nga gi-file ni Congresswoman Auring Cerilles ug Estita Tago ug mga kauban gihatagan og gibug-aton sa Sandigan Bayan ug ning bag-o lang niadtong Marso 13, 2014 nagpagawas ang Sandigan Bayan sa usa ka resolution nga nag-ingon nga ensakto ang argumento sa mga akusado nga sila si kanhing gobernadora Cerilles ug Tago nga ang ilang constitutional nga katungod nga mahuman og dali ang preliminary investigation ayha kini na-file sa Sandigan Bayan nalapas gyod.
Ug kining paglapas tungod kay constitutional man kini siya puwedeng mahimong hinungdan aron ma-dismiss ang kaso, matod pa niya ug tuod man nagpagawas ang Sandigan Bayan sa usa ka resolution ug ang unod niini nagsulti nga kining mga kaso dismissed na.
Kining maong kalambuan migawas sa pamantalaang Philippine Daily Inquirer niadtong Abril 10 ug kining maong dismissal matawag nga on the merit kay bisan maabot kini sa paghusay ang prosecutor para mapakanaugan og conviction ang mga akusado.
20