TAGUM CITY (Mindanao Examiner / Sept. 2, 2013) – Anaa na karon sa dakung pagpangandam ang mga opisyales ug mga sakop sa Davao del Norte Press and Radio – TV Club alang sa induction sa ilang mga opisyales.
Ang mga bag-ong napili nga opisyales sa DNPRC para sa tuig 2013-2014 mao sila Loloy Ybañez-presidente; Cha Monforte-bise presidente; Tata Butalid-secretary; Mae Gonzales-treasurer; Ben Wang-auditor; ug Sarx Lanos-P.I.O.
Ang mga sakop sa Board of Directors mao sila Gaudy de los Reyes, Troy Jagunos, Boy Conejos, Romy Merca, Joe Larawan ug PJ Gregorio.
Ang induction sa mao nga mga opisyales pagahimuon sa Oktobre 19, 2013. Layo pa ang mao nga petsa gumikan sa dakung pagpangandam kay ilang himuon nga makasaysayan ug makahuluganon ang mao nga kalihokan.
Ang media club mao ang pinaka-karaan nga kahugpongan sa mga tigbalita sa Davao del Norte gumikan kay niadto pang tuig 1967 kini natukod. Hinuon, adunay mga tuig nga dili maglihok ang mao nga pundok, apan karon nag-aktibo na usab ang media club.
20