DIPOLOG CITY (Mindanao Examiner / Apr. 1, 2013) – Mikabat sa 18 na ka mga iro ang kasamtangan karong gi-preso dinha sa Diplog City Dog Pound nga nahimutang didto sa buhatan sa City Veterinarian sa Dipolog Slaughterhouse.
Sumala pa nga kining nasangpit nga mga nadakpang mga iro ang mahiuli lamang ngadto sa mga tag-iya niini pinaagi sa pagkulat sa mga tag-iya niini sa kantidad nga usa ka gatos ka pesos, isip impounding fee.
Nasayran ning buhatan sa impormasyon gikan sa buhatan sa City Veterinarian pinaagi ni Dr. Russel Ganub nga ang ilang dog pound ning kasamtangan ang nagkinahanglan nang ma-ayom-ayom, busa hugtanong niyang gi-awhag karon ngadto sa tanang mga tag-iya sa paglukat sa ilang mga binuhi kon kini ang nadakpan sa ilang mga personahe.
Subay niining paghangyo, nagapahinumdom karon ang inahan ning dakbayan Mayor Evelyn Uy ngadto sa tanang mga nanag-iya ug mga iro nga atimanon nila pag-ayo kini aron dili maglatagaw bisan asa sulod dinhi sa dakbayan ug ila gayud nga pagasigurohon nga dinha lamang kini magasuroy-suroy sulod sa ilang mga lagwerta.
20