DIPOLOG CITY – Human nga nagkaguliyang ang katawhan sa dihang gi-pang raid sa National Bureau of Investigation, Criminal Investigation and Detection Group ug taga-Securities and Exchange Commission ang mga opisina sa mga investment scheme sa nagkadaiyang suok ni pulo sa Mindanao ug sa uban pang lugar dinhi sa Pilipinas.
Ang kapulisan karon dinhi sa probinsya sa Zamboanga del Norte nagpahinumdom ngadto sa katawhan nga dili gayud magpalingla sa mga scammer o mo invest bugti sa dagkong porsyento.
Naghatag ug timailhan ang kapulisan kalabot sa investment scam, una mao ang pagsaad ug dakong bahin gikan sa kwarta nga gi invest; makakuha ug commission kun maka enganyo ug bag-ong member; ipasalig nga ang kwarta nga gi invest siguradong mo tubo ug dali ang kwarta; mag offer ug limited-time discount price; ug danihon pinaagi sa mga tamis nga testimonya . Kung inyo kining masugatan, mao kani ang timailhan nga dakong scam ang ila gi offer.
Kung kahibaloan bilyones ka pesos ang nalambigit sa sa giingong scam karon nga mibuto didto sa General Santos City kini mao ang KAPA, nag hanyag ug 30 porsyento nga tubo sa P5,000 nga i-donar.
Pero human nga wala kini naka comply sa mga document, gi-pasirado kini, pero matod pa sa mga myembro niini nga dili matawag nga scam tungod kay kada bulan man sila maka dawat ug love gift. Bisan paman ni ana ang Katawhang Zamboanga Nortehanon gipahinumduman sa dili pag invest ug kwarta bugti sa dagkong tubo para inig abot sa katapusan dili kini mahayan. (Mark Bacroya – RMN)
Like Us on Facebook: https://www.facebook.com/mindanaoexaminer
Follow Us on Twitter: https://twitter.com/MindanaoExamine
Read And Share Our News: https://www.mindanaoexaminer.com
Mirror Site: https://mindanaoexaminernewspaper.blogspot.com
Digital Archives: https://issuu.com/mindanaoexaminernewspaper
Media Rates: https://mindanaoexaminer.com/ad-rates
20
