Mga larawan ng Kapamilya stars na ipinadala ng ABS-CBN sa Cebu Examiner.
CEBU – Libo-libong Cebuano at Ilonggo fans ang nakisaya kina Kim Chiu, Maja Salvador, Richard “Sir Chief” Yap at iba pang Kapamilya stars sa back-to-back “Kapamilya Karavan” ng ABS-CBN na ginanap kamakailan sa pagdiriwang ng tatlo sa pinakamalalaki at pinakamakukulay na taunang pagdiriwang sa bansa – ang Sinulog Festival dito sa Cebu, Dinagyang Festival sa Iloilo, at Lipa City Festival sa Batangas province.
Nagsanib-pwersa sina Kim, Maja, Enchong Dee, at Zanjoe Marudo upang magbigay-kasiyahan sa halos 7,000 kataong nagtipon sa The Terraces sa Ayala Center Cebu. Nakiisa rin ang ABS-CBN sa Sinulog 2015 Grand Parade kung saan itinampok sa makulay na Kapamilya float sina Kim, Maja, at Enchong.
Samantala, dumayo rin ang mga Kapamilya star sa Iloilo at Batangas upang pasalamatan ang mga Ilonggo at Batangueño sa walang sawang suporta sa ABS-CBN na nanatiling number one TV network sa buong bansa.
Halos 5,000 Ilonggo fans ang naki-party kina Maja at Sam Milby sa “Kapamilya Karavan” na ginanap sa Robinsons Iloilo, samantalang lampas 4,000 Batangueño ang pinasaya nina Ser Chief, Angeline Quinto, at Joseph Marco sa pagdiriwang ng Lipa City Festival.
Matapos ang Sinulog, Dinagyang at Lipa City Festivals, nakatakdang maki-fiesta ang “Kapamilya Karavan” ng ABS-CBN Regional sa Baguio City para sa Panagbenga Festival sa Marso 7 at Davao City para sa Araw ng Dabaw sa Marso 15. (Cebu Examiner, ABS-CBN)
Like Us on Facebook: https://www.facebook.com/mindanaoexaminer
Follow Us on Twitter: https://twitter.com/MindanaoExamine
Read Our News on: http://www.mindanaoexaminer.com/ and https://mindanaoexaminer.com/
Share The News
Follow Us on Twitter: https://twitter.com/MindanaoExamine
Read Our News on: http://www.mindanaoexaminer.com/ and https://mindanaoexaminer.com/
Share The News
20