Skip to content
The Mindanao Examiner Regional Newspaper

The Mindanao Examiner Regional Newspaper

Title

Name

Primary Menu
  • Home
  • Mindanao
  • Visayas
  • National
  • Features
  • Opinion
  • Business
  • International
  • SciTech
  • Health & Wellness
  • Sports
  • About Us
    • Regional Advertising Rates
    • Contact Us
    • Profile
  • Home
  • Featured
  • ALERTO LAHAT VS ISIS ATTACK – Abante
  • Featured
  • National

ALERTO LAHAT VS ISIS ATTACK – Abante

Editor January 16, 2016

Kasunod ng malagim na pag-atake sa Jakarta, Indonesia, umalerto ang buong puwersa ng Philippine National Police (PNP) at Armed Forces of the Philippines (AFP) bilang paghahanda sa anumang maaaring kaganapan.

Si Pangulong Benigno ‘Noynoy’ Aquino III sa kabilang dako ay humiling din sa taum­bayan na tumulong sa pagmamatyag kung mayroong mga kaduda-dudang tao sa komunidad pero sa kabuuan, manatiling kalmado dahil wala namang “specific threat” sa ngayon.

Alinsunod naman sa pag-alerto ng PNP at AFP, agad ding pina­kilos ng National Capital Regional Police Office (NCRPO) ang lahat ng distrito ng pulisya sa buong Metro Manila upang siguruhin ang kaligtasan ng kanilang nasasakupan.

Maging ang Phi­lippine Coast Guard (PCG) ay agad nagpa­tupad ng mas mataas na security measures sa karagatan, mga pantalan at baybayin sa buong Pilipinas.

Naka-full alert status na ngayon ang PNP habang naka-heightened alert naman ang AFP sa buong kapuluan.

Pero nilinaw ni PNP PIO chief, Chief Supt. Wilben Mayor na “as of now” ay wala pa silang namo-monitor na banta sa seguridad pero patuloy ang kanilang pagpa­patrulya para hindi malusutan ng terorista ang bansa.

Kasabay rin na pina­igting ng PNP ang pagsasa­gawa ng Commission on Elections (C­omelec) checkpoint habang kinansela na ang leave ng mga pulis para siguruhing ligtas ang publiko.

Ibig sabihin naman ng heightened alert status ng AFP ay naka-standby ang kanilang mga tropa sakaling kailanganin ng PNP ng military support.

Sinabi ni AFP spokesman Brig. Gen. Restituto Padilla na kailangan nilang itaas ang alerto sa lahat ng lugar sa bansa para siguruhin na ligtas ang publiko.

Ganito rin ang iniulat kahapon ni Pangulong Aquino sa isang ambush interview sa Bulacan.

“The last report I read says walang credible threat,” anang Pangulo.

Gayunman, hindi naman ipinagwawalang bahala ni Pangulong Aquino ang banta ng global terrorism na inihahasik ng grupong ISIS.

“Siyempre, magi­ging prudent tayo at makikipag-­ugnayan sa intelligence agency. At babantayan nila ang komunidad para malaman kung may threat,” dagdag pa nito.

Kaugnay nito, sinabi ni Chief Insp. Kim Molitas, hepe ng Public Information Office ng NCRPO, nais ng pamunuan na matiyak na hindi mangyayari ang insidente sa Kalakhang Maynila na kahalin­tulad na pag-atake sa Jakarta na ikinasawi ng 7-katao at ikinasugat ng 20 iba pa.

Sinabi ni Molitas, ang direktiba ay pina­kalat na sa mga district directors hanggang sa mga chief of police para tiyaking naba­bantayan ang kanilang area of res­ponsibility, lalo na ang mga vital installations at ang mga matataong lugar.

Mula sa PCG, sinabi ni spokesman Commander Armand Balilo, bukod sa mga sea marshals na sumasakay sa mga pampasaherong barko ay nagpakalat na rin ng mga K-9 bomb-sniffing dogs para makatuwang sa pinahigpit na inspeksyon. (Betchai Julian, Boyet Jadulco, Armida Rico at Juliet de Loza-Cudia )

Link: http://www.abante.com.ph/news/nat/40811/alerto-lahat-vs-isis-attack.html

fb-share-icon
Tweet 20

Continue Reading

Previous: Kakuryu keeps up push – The Japan News
Next: Mosquito-Borne Zika Virus May Be Linked to Rise of Birth Defects, Puts Officials on Alert – ABC News

Related News

Christina-Frasco-Dot
  • National
  • Tourism

PH gov’t hits country’s ‘false ranking’ as least safe for travelers

Editor June 19, 2025
PhilHealth-Artcard
  • Health
  • National

PhilHealth’s New Benefits for Post-Kidney Transplantation Services

Editor June 19, 2025
PCG-pangasinan
  • National

PDEA seizes P9.5-B illegal drugs May 30 – June 13

Editor June 18, 2025

Trending News

PH gov’t hits country’s ‘false ranking’ as least safe for travelers Christina-Frasco-Dot 1
  • National
  • Tourism

PH gov’t hits country’s ‘false ranking’ as least safe for travelers

June 19, 2025
PhilHealth’s New Benefits for Post-Kidney Transplantation Services PhilHealth-Artcard 2
  • Health
  • National

PhilHealth’s New Benefits for Post-Kidney Transplantation Services

June 19, 2025
PDEA seizes P9.5-B illegal drugs May 30 – June 13 PCG-pangasinan 3
  • National

PDEA seizes P9.5-B illegal drugs May 30 – June 13

June 18, 2025
Forensics Institute ‘major step’ in transforming PH justice system National-Forensics-Institute 4
  • National

Forensics Institute ‘major step’ in transforming PH justice system

June 18, 2025
8 NCR top cops relieved for failure to follow 5-minute response time Gen-Torre 5
  • National

8 NCR top cops relieved for failure to follow 5-minute response time

June 17, 2025
  • Facebook
  • X
  • YouTube
  • Blog
Copyright © 2025. The Mindanao Examiner Regional Newspaper. All Rights Reserved. | MoreNews by AF themes.