CEBU – Gisugdan na sa Philippine National Police ang paghatag og unom ka buwan nga amnestiya sa loose firearms sa nasud agig pagsunod sa Comprehensive Law on Firearms and Ammunition Control o ang Republic Act 10591.
Tumong niining mapa-rehistro ang mga dili lisensiyadong mga armas ug malikayan ang bug-at nga silot.
Tungod niini, nanawagan ang PNP sa mga nanag-iya og mga unlicensed firearms nga pahimoslan kining maong higayon aron malikayan ang kalangan sama sa “Oplan Katok” ug pagpatuman sa search warrants nga gipagawas sa mga korte.
Gisiguro sa PNP mga adunay 900 ka regional health offices nga andam nang modawat sa mga aplikante alang sa neuro clearance applicants. Apil usab sa requirements ang drug test ug giingong PNP lamang ang mohimo niini.
Mahinungdanon usab ang pagbaton og pinakabag-ong “gun safety and responsible gun seminar certificate.”
Apan nipasidaan ang PNP nga dili tanang gun clubs sa nasud ang accredited nga mog-isyu sa maong certificates.
20