ILIGAN CITY (Mindanao Examiner / May 1, 2013) – Nakita sa mga kahugpungan sa katawhan ug sector sa dakbayan sa Iligan ang kamahinungdanon sa piniliay sa pag-abante sa interes sa katawhan apan nagkinahanglan kini ug matngon nga pagduso uban ang mga kongkretong pangayo ug demokratikong katungod.
Petsa 30 sa Abril gipagawas ug gilunsad sa publiko sa Iligan Peoples Agenda ang plataporma sa Yanong Katawhan diin pagpangandam usab sa kalihukan niin sa Mayo 1, isip Pangkalibutanong Adlaw sa Mamumuo. Kining maong plataporma mao ang nakita sa IPA nga klarong itanyag ngadto sa mga pulitiko panahon sa piniliay ug ang plataporma nga maoy padayong kampanya sa nagkalain-laing sektor.
Giawhag ug gipanawagan ang tanang peoples’ organizations, nongovernmental organizations, academic institutions, religious denomination, civic organizations, political parties, party list groups, candidates ug government agencies nga i-endorso ug i-abante kining maong plataporma sa Yanong Katawhan.
Palihug ang ug pahibalo sa Liga Ng Makabagong Kabataan nga sa pagka-karon mao ang gitahasan sa online campaign alang nianing maong plataporma.
Ang mga Organisasyon – Ranao TriPeople Movement for Genuine Peace and Development – usa ka political camapign alliance sa lain-laing sector sa Iligan, Lanao Norte ug Sur.
Liga ng Makabagong Kabataan – usa ka kahugpungan sa mga kabatan-onan nga dayag nagduso sa alternatibong politikanhon ug ekonomikanhong gambalay sa katilingban. Coalition of Lanao Utility Transport for Change – koalisyon sa sektor sa transportasyon nga sa taas na nga panahon nailhang lig-on ang adbokasya ug baruganan alang sa sektor nga girepresentahan.
Lig-on ug Hiniusang Kusog sa Kabus-Dakbayan – Iligan – usa ka hugpong sa mga kabus-dakabayan sa Iligan. Iligan Survivors Movement – kahugpungan sa mga biktima ug survivors sa Bagyong Sendong sa Iligan City.
20