BOHOL – Wala pa gani mabuntog ang illegal nga drugas ilabi na sa labing sikat nga shabu, may lain na usab nga gi-abusuhan nga drugas ang naglibot ug nagpatuskig sa party circles.
Ang nakaparat pa, matud sa Philippine Drug Enforcement Agency, ang bag-ong drugas nga gihinganlan og fly-high, superman o party, gisagolsagol nga shabu, mga sekswal nga tambal pagpa-lagsik sama sa Viagra, Cialis ug ecstasy.
Ang Viagra, Cialis ug ecstasy maoy kasagarang tambal sa kinataw nga dili na magamit, aron makahimo pa gihapon, samtang ang shabu magtanyag sa us aka tawo sa posibleng maayong byahe, mga maghatay ug walay kakapoy, walay kagutom ug walay eksaktong panghunahuna.
Matud sa PDEA pinaagi ni Director Esperidion Javier atul sa labing bag-ong Regional Peace and Order Council meeting dinhi sa Bohol, delikado ang “fly high”, tungod kay bisan pa kon ikahatag niini ang upat nagdto sa lima kaa adlaw nga walay sekswal nga katagbawan, ang kawalay kaon ug pagkatulog mahimong mahinayon na nagdto sa ulcer.
Gihinganlan og “superman” o “fly high” tungod sa nagsapong nga kaulag nga tanyag niini, ang gidili nga tambal mahimo usab nga hinungdan sa atake sa kasingkasing o pagka-buang.
Gibaligya sa labing menos P3,000 pataas, ang usa ka tableta mahimong sawhan sa unom ngadto sa walo ka tawo, butyag ni Javier. (Rey Anthony Chiu)
20