CEBU – Agud mapatigayon ang serbisyo publiko kag ang pagpahapus sang transakyon sang mga dumoluong nga may opisyal nga kinahanglan sa opisina sang Bureau of Immigration, ang nakalainlain nga mga balayran sarang na mabayaran sa pala-abuton paagi sa paggamit sang automated teller machines card ukon prepaid card.
Ining “cashless payment” mangin posible paagi sa pagpirma sang memorandum of agreement sang mga opisyales sang BI kag sang Land Bank of the Philippines sa pagpatigayon sang point-of-sale nga mga terminal sa mga opisina sang BI.
Ang POS nga mga terminal magabaton sang ATM kag debit cards sa idalum sang Bancnet network kag iban pa nga pareho nga sistema katulad sang Megalink kag Expressnet.
Si Immigration Commissioner Siegfred Mison nagsiling nga ang nemorandum of agreement upod sa LBP ginapatigayon sang Hunyo. Ang POS nga mga terminal igapatindog sa nga opisina sang BI sa Magallanes Drive sa Intramuros, Manila kag Cebu sa sulod sang duha ka semana.
Ang paggamit sang ATM o debit card sa pagbayad sang mga balayran sa nakalainlain nga mga transaksyon isa pa ka maayo nga kabaylohanan sa idalum ni Mison nga nakakita sang mga paagi agud mautod ang red tape kag pagpangsaborno.
Si Mison nagsiling nga ang mga pagbayad sa ATM sa lugar mismo makapadasig sang mga transaksyon sang mga dumoluong katulad sang katuigan nga pagreport, pagpalawig sang visa kag aplikasyon kag iban pa. (Atty. Maria Janet Mesa)
20