Pormal kining giturn-over gikan sa Philippine Amusement and Gaming Corporation ngadto sa kagamhanan nga gipangulohan ni Cebu City Mayor Michael Rama.
CEBU CITY – Nakadawat og bag-ong tulo ka ambulansya ug usa ka pick-up truck ang kagamhanan sa dakbayan sa Sugbo. Pormal kining giturn-over gikan sa Philippine Amusement and Gaming Corporation ngadto sa kagamhanan nga gipangulohan ni Mayor Michael Rama nga gipahigayon atubangan sa City Hall.
Gani, diha-diha dayon gitunol sab sa mayor ngadto sa Quick Response Team ang mga bag-on ambulansya nga naangkon sa pangagamhanan agi sa pagpaningkamot ni konsehal Dave Tumulak kinsa nangulo sab sa maong grupo.
Gamiton ang mga ambulansya alang sa pagresponde sa mga emerhensiya sa matag barangay sud sa 24 oras nga walay bayad.
Matud pa ni Tumulak, mahimutang ang maong ambulansya ngadto sa Command Control Center aron pahimuslan sama sa paghatud og serbisyo ngadto sa katawhan kon gikinahanglan.
Mitambong usab sa turnover ceremony sina Bise Mayor Edgar Labella, Konsehal Mary Anne de Los Santos, Gerry Carillo, Noel Wenceslao ug ABC President Phillip Zafra. (C.L.K. Aznar)
20