Skip to content
The Mindanao Examiner Regional Newspaper

The Mindanao Examiner Regional Newspaper

Title

Name

Primary Menu
  • Home
  • Mindanao
  • Visayas
  • National
  • Features
  • Opinion
  • Business
  • International
  • SciTech
  • Health & Wellness
  • Sports
  • About Us
    • Regional Advertising Rates
    • Contact Us
    • Profile
  • Home
  • Cybercrime law may TRO na naman!

Cybercrime law may TRO na naman!

Editor February 6, 2013
12906_4704764255975_322589641_n

MANILA (Mindanao Examiner / Feb. 6, 2013) – Pinuri ng Alab Ng Mamamahayag (Alam) party list group ang Supreme Court sa desisyon nitong bigyan ng indefinite temporary restraining order ang pagpapatupad sa kontrobersyal na Cybercrime Prevention Act of 2012 matapos lumipas at mapaso ang 120-araw na pansamantalang palugit nito.

Ang extension ay sagot sa petisyon ng 15 grupo laban sa kontrobersyal na batas na nagsasakriminal sa libelo sa internet.

Sa isang pahayag sa media, sinabi SC acting information chief Atty. Gleo Guerra na ang indefinite extension ay magpapatuloy hanggang walang utos Korte na itigil ito.

Ayon kay ALAM chairman Jerry Yap, tama lamang na ipahinto ng Supreme Court ang pagpapatupad ng Cybercrime Prevention Act of 2012 dahil batay sa Seksyon 4 (c) (4) ng nasabing kautusan, ang electronic libel ay lumalabag sa mga karapatan ng isang tao sa tamang proseso, pantay na proteksyon sa ilalim ng batas, at malayang ekspresyon.

Laban din umano ito sa double jeopardy law.

Kamakailan lamang ay muling pinigil ng Korte Suprema ang pagpapatupad ng kontrobersyal na batas na cybercrime sa gitna ng alalahaning malubhang pag-abuso sa kalayaan sa Internet.

Ayon naman kay Justice Secretary Leila de Lima, dahil sa bagong temporary restraining order sa nasabing panukalang batas ay hindi ito maipatutupad,  ngunit iginiit naman ng opisyal na nakabinbin lamang ang pagpapasiya upang mapag-aralang mabuti ang merito ng mga petisyon.

Pinirmahan ni President Benigno Simeon Aquino III ang nasabing batas noong Setyembre 2012 sa gitna ng malaking protesta dahil sa mabigat na pataw ng pagkakulong para sa online libel at pagbibigay ng kapangyarihan sa estado upang i-shut down ang mga website at subaybayan ang mga online na aktibidad.

Noong Oktubre, nag-isyu ang SC ng apat na buwang injunction sa pagbibigay diin na mismong si chief lawyer, Solicitor-General Francis Jardeleza ay nagsabing ang pagpapasara ng mga websites ay maaaring ilegal nga.
Gayunman, sinabi rin ni Jardeleza na hindi ito sapat na dahilan upang ibasura ang buong batas. (Nanet Villafania)

fb-share-icon
Tweet 20

Continue Reading

Previous: New fuel price hike in Philippines criticized
Next: Policeman wounded in Zamboanga attack

Trending News

Preserving Lupah Sug: BARMM grants P1M to fund MSU-Sulu cultural research project BARMM-Cultural-Heritage 1
  • Mindanao Post

Preserving Lupah Sug: BARMM grants P1M to fund MSU-Sulu cultural research project

May 26, 2025
Davao City to develop new tourism circuits Davao-tourism 2
  • Mindanao Post

Davao City to develop new tourism circuits

May 26, 2025
DOH renews call for cervical cancer screening, vaccination Dr-Vaniza 3
  • Mindanao Post

DOH renews call for cervical cancer screening, vaccination

May 26, 2025
BARMM health ministry calls for vigilance against MPOX BARMM-Ministry-of-Health 4
  • Health
  • Mindanao Post

BARMM health ministry calls for vigilance against MPOX

May 23, 2025
Joy of Sharing: Jollibee Group Foundation Marks 20 Years of Impactful Partnerships and Progress BLT-1 5
  • Business
  • Featured

Joy of Sharing: Jollibee Group Foundation Marks 20 Years of Impactful Partnerships and Progress

May 22, 2025
  • Facebook
  • X
  • YouTube
  • Blog
Copyright © 2025. The Mindanao Examiner Regional Newspaper. All Rights Reserved. | MoreNews by AF themes.