CEBU – Magpadala na og Rapid Response Team ang Department of Foreign Affairs sa West Africa aron susihon ang sitwasyon sa mga Pilipino didto taliwala na usab sa pagsaka sa kaso sa Ebola virus.
Gitakda usab nga motabang ang RRT sa Philippine Embassy sa Nigeria alang sa repatriation sa mga overseas Filipino workers nga gusto nang mopaule.
Partikular niini ang pagpangita og transit points tungod kay limitado na ang flights gikan sa Liberia, Guinea ug Sierra Leone, mga nasud nga adunay pinakataas nga kaso sa Ebola.
Dungan niini, gipahayag ni DFA Spokesman Charles Jose nga hangtud gahapon, Huwebes, duha pa lamang sa 806 nga Pilipino sa West Africa ang nagparehistro alang sa repatriation program sa gobyerno.
Bisan pa kini sa anunsiyo sa DFA nga kasado na ang pagsaka sa alert level 3 o voluntary repatriation gikan sa alert level 2 o restriction phase sa West Africa sa tunga-tunga sa Nobyembre. Ipaubos sa 21 ka adlaw nga quarantine ang mga mopauling Pinoy. (Cebu Examiner)
Like Us on Facebook: https://www.facebook.com/mindanaoexaminer
Follow Us on Twitter: https://twitter.com/MindanaoExamine
Read Our News on: http://www.mindanaoexaminer.com and http://www.mindanaoexaminer.net
20