CEBU – Gipasidan-an ni Gobernador Hilario Davide II ang mga negosyante nga dili pasobrahan ang pagpaumento sa presyo sa ilang baligya ilabi na ang nag-unang mga palitonon sa katawhan.
Kini human nga nadungog niya ang mga reklamo gikan sa publiko nga dunay mga negosyante didto sa habgagatang bahin sa probinsya sa Sugbo nga mipamahal pag-ayo sa presyo sa ilang mga baligya. suma pa sa mga report nga nadawat sa gobernador, nagsugod kining sitwasyona human sa bagyong Seniang.
Nakasabut si Davide nga kinahanglang magpaumento sa presyo ang mga negosyante tungod kay nadugangan man usab ang gasto sa paghatud sa mga baligya gikan sa komprahanan dinhi sa syudad ug ngadto sa lagyong kalungsoran.
Apan giawhag niya ang maong mga negosyante nga dili lang usab pasobrahan ang kamahal tungod kay ang mga konsumidor didto sa probinsya nag-antus nang daan sa pagka biktima nila sa katalagman.
Sa samang higayon naglaum si Davide nga ang Department of Trade and Industry, Department of Agriculture ug uban pang hingtungdang ahensya sa gobyerno magbantay pag-ayo sa presyo sa nag-unang palitonon aron dili maalkanse pag-ayo ang mga konsumidor. (Cebu Examiner)
Like Us on Facebook: https://www.facebook.com/mindanaoexaminer
Follow Us on Twitter: https://twitter.com/MindanaoExamine
Read Our News on: http://www.mindanaoexaminer.com/ and http://www.mindanaoexaminer.net/
20