CEBU – Nipasidaan ang Department of Justice sa mga telecommunications company nga dili gayud mangilad sa ilang mga subscribers kalabot sa unlimited Internet packages.
Sa usa ka advisory, miingon si Justice Secretary Leila De Lima nga bisan walay dautan sa advertisement ug promotions, angay nga ihatag gayud kun unsa ang gisaad sa subscribers.
Giingong mo-tumaw ang mga reklamo kun hugtan na sa mga operator partikular kun naabot na sa subscriber ang usa ka partikular nga volume sa data bits.
Pasabot pa ni Justice Assistant Secretary Geronimo Sy, ang unlimited data sama sa unlimited rice o buffet concept nga gitanyag sa mga restaurant nga dili mahimong pugngan ang kustomer sa pagkaon kun nakadaghan na kini.
Pahinumdom pa ni De Lima sa telecommunications company, pagsupak sa Consumer Act ang misleading trade practice ug advertisements.
Like Us on Facebook: https://www.facebook.com/mindanaoexaminer
Follow Us on Twitter: https://twitter.com/MindanaoExamine
Read Our News on: http://www.mindanaoexaminer.com/ and http://www.mindanaoexaminer.net/
20