CEBU – Subling nipasidaan ang Department of Trade and Industry (DTI) nga dili angay gamiton ang mga butane canisters nga container o butanganan sa liquefied petroleum gas (LPG).
Daghang taho gikan sa Mindanao nga gigamit ang butane canister sa pag-refill og LPG alang sa ilang pagluto tungod kay mas barato man kini sa tangke sa LPG.
Apan matud pa sa Bureau of Philippine Standards (BPS) sa DTI, nakalatid sa Philippine National Standard ang kabag-on sa puthaw sa tangke aron ma-contain ang pressure sa LPG. Mahimong mobuto ang gamay ug nipis nga canister kun gamiton kini sa LPG.
Samtang nipasidaan ang DTI-BPS batok sa mga gas refilling companies nga namaligya og mga butane canisters nga adunay refill sa LPG. Giingong pasakaan og kaso sa DTI ug Department of Energy ang mga kumpanyang adunay produktong “Nalo Stainless Rechargeable Gas Cartridge”.
20