CEBU – Giseguro sa Malakanyang nga himuon sa gobyerno ang tanan aron makamugna og daghang trabaho alang sa mga Pilipino. Gipahayag kini sa Malakanyang atubangan sa gamay’ng pagsaka sa gidaghanon sa mga walay trabaho sa nasud base na usab sa resulta sa gipahigayong survey sa Social Weather Station (SWS).
Matud pa ni Presidential Communication Operations Office Secretary Sonny Coloma, padayon nga gipaningkamotan sa gobyerno ang pag-mugna og dugang trabaho ug dili lamang basta trabaho apan disenteng panginabuhian nga adunay taas nga suholan ug maayong kundisyon sa pagtrabaho.
Gitumbok ni Coloma nga ang poverty reduction ug empowerment of the poor and vulnerable pinaagi sa paghatag og panginabuhian, parte sa Philippine Development Plan (PDP) nga maoy tumong sa administrasyong Aquino.
Base sa SWS survey nga gipahigayon niadtong Hunyo 27 hangtud Hunyo 30 nga adunay 1,200 respondents, migawas nga nisaka sa 300,000 ka mga Pilipino ang walay trabaho sa katunga sa tuig 2014.
20