MANILA (Mindanao Examiner / Apr. 8, 2013) – Binansagang traydor ng mga supporters nina dating Pangulong Joseph “Erap” Estrada at Bise Presidente Jejomar Binay si Grace Poe na ngayon ay tumatakbong senadora matapos na kumatig sa Team PNoy.
Bagamat naging isyu laban kay Poe ang pagkalas nito sa grupo nina Erap at Binay ay maiinit pa rin sa kasalukuyang ang naturang paglipat nito sa Team PNoy ni Pangulong Benigno Aquino.
Matatandaang si Erap ang siyang matalik na kaibigan ni ‘Da King’ Fernando Poe, Jr. at hindi nag-iwanan ang dalawa hanggang sa pumanaw ang movie action star dahil sa stroke nuong 2004.
Bagama’t naiwan sa ere si Erap ay solid pa rin ang suporta sa kanya ng publiko at ngayon ay isa sa mga haligi ng United Nationalist Alliance kasama si Binay at Senate President Juan Ponce Enrile.
Unang inalok nina Erap at Binay si Poe bilang guest candidate dahil na rin sa mistulang anak ang turing ng dalawa sa kanya, ngunit lahat ng ito’y gumuho ng sumanib si Poe sa Team PNoy at sumama sa mga rallies nito.
Dahil dito ay maraming mga supporters nina Erap at Binay ang sumama ang loob kay Poe at sariling interest lamang umano ang habol nito sa pagkiling sa Team PNoy at pag-iwan sa UNA.
“Ano ang tawag mo sa ganoong kalseng ugali. Tinaraydor talaga ni Grace sina Pangulong Erap at Bise (Presidente) Jejomar Binay. Matapos ng lahat ng suporta sa kanya ay ito pa ang isusukli ni Poe sa kabaitan at kagandahang-loob na ipinakita sa kanya ng lahat,” ani ng isang Erap supporter na si Benjie Subong ng tanungin ang ukol sa isyu kay Poe.
Ngunit sa kabila ng lahat ay sinabi ni Erap na parang anak pa rin ang kanyang turing kay Poe, na adopted daughter ni Da King at Susan Roces. (Mindanao Examiner)
20