CEBU CITY – Nalipay na ang publiko sa inspeksyon ni Mayor Michael Rama ug Bise Mayor Edgardo Labella sa mga dalan sa Bacayan hangtod sa USC-Talamban Campus niadtong Martes.
Tumong sa walk-thru ang pag-susi sa mga dapat ayohon sa maong mga lugar labi na ang sitwasyon sa trapiko. Plano sa mayor ngapalapdan ang dalan ug ipa-ayo ang mga guba’ng parte sa kadalanan ug tangtangon ang mga poste nga nakababag ug mga istruktura nga nilapas sa sidewalk.
Ipa-implementar sa di magdugay ang ‘No Left Turn’ policy sa mga sakyanan sa pipila ka mga lugar.
Gimando sa mayor nga ipatangtang dayon ang ‘center island’ dapit sa Gaisano Grand Talamban nga usa ka accident prone area ug sanglit kay dako nga parte sa dalan ang nakaon niini. Plano niya ipa ‘taper’ ang dalan ug butangan ug traffic barrels.
Pabutangan sab og mga traffic signs ang mga kurbadang dalan nga peligro sa aksidente.
Sa may Cabancalan intersection, gimanduan ni Mayor Rama nga Citom ngaipa alternate angpag-agi sa mga sakyanan diin hatagan og prayoridad ang parte nga mas daghan ug sakyananaron ma minusan anghuot nga trapiko.
Pabutangan sab og ‘No Stopping’ sign ang pipila ka mga lugar ug hustong jeepney stop kung asa ang mga tawo mag-atang. Ang paglapas sa mga tao sa sidewalk atol sa paghuwat og jeep maoy nakitang usa sa mga hinungdan sa trapiko.
Uban sab ni Mayor Rama si Raquel Arce head sa Probe, Citom Operations Chief Joy Tumulak ug Kapitan sa Barangay San Jose nga si Joe Ardaba, ug pipila ka mga empleyado sa City Hall. (C.L.K. Aznar)
Like us on Facebook: https://www.facebook.com/mindanaoexaminer
Follow us on Twitter: https://twitter.com/MindanaoExamine
20