NORTH COTABATO – Muling nagbabala ang pulisya sa mga gumagamit ng ilegal na droga na itigil na ang masamang bisyo at magbagong-buhay at maging katuwang ng pamahalaan para sa ikauunlad ng bansa.
Ito ay matapos na madakip si John Baring Ferolin, 42, na nagpakilalang dati umanong pari at miyembro ng Mission Society of the Philippines ng Simbahang Katoliko.
Nadakip ito kamakailan lamang sa isang buy-bust operation sa palengke ng bayan ng Matalam.
Sinabi ni Matalam police chief Major Joseph Brian Placer na binentahan umano ng shabu ni Ferolin ang isang undercover agent ng Philippine Drug Enforcement Agency kung kaya’t natimbog ito. Residente si Ferolin ng Barangay Lower Katingawan sa bayan ng Midsayap dito at nakulong na rin diumano ito noong 2016 dahil sa kasong may kinalaman sa droga. (Rhoderick Beñez)
Like Us on Facebook: https://www.facebook.com/mindanaoexaminer
Follow Us on Twitter: https://twitter.com/MindanaoExamine
Read And Share Our News: https://www.mindanaoexaminer.com
Mirror Site: https://mindanaoexaminernewspaper.blogspot.com
Digital Archives: https://issuu.com/mindanaoexaminernewspaper
Media Rates: https://mindanaoexaminer.com/ad-rates
20
