ADUNAY halos 200 ka Pilipino nga naa sa death row sa tibuok kalibotan tungod sa nagkalain-laing kaso. Sa maong gidaghanon, 89 niini ang drug-related nga kaso diin 72 ka OFWs ang nalambigit sa kasong ilegal nga droga nga naa karon nagtingkagol sa bilangguan sa China. Ang uban niini naa sa Middle East, Malaysia ug Thailand.
Matud pa sa Migrante International, unom ka Pilipino na ang gipatay pinaagi sa paglunggo sa ulo sukad 2005.
227 ka Pinoy ang nabilanggo tungod sa kaso sa ilegal nga droga sa China lamang. Espisipikong target sa international drug gangs ang mga babayeng Pilipino nga may edad 20 anyos hangtud 40 anyos.
Sukad Hulyo 2014, 807 ka Pinoy ang nabilanggo sa nagkalain-laing nasud kalabot sa kaso sa ilegal nga droga. Sa 710 nga na-aresto, 265 (37%) ang lalaki, samtang 445 (63%) ang babaye. Kababayen-an ang gigamit sa mga sindikato tungod kay dili sila kadudahan sa mga inspectors.
Ubos sa Omnibus Rules Implementing the Migrant Workers Act of 1995 (RA 8042), ang gobyerno, ubos sa Office of the Undersecretary for Migrant Workers Affairs (OUMWA-DFA) ang mohatag og legal assistance sa mga OFWs under distress o may mga kaso sa ubang nasud ug gigahing pondo alang niini.
Sa Section 43-Legal Assistance Fund, ang Legal Assistance Fund nga gimugna ubos niini eksklusibong gamiton lamang alang sa paghatag og legal nga serbisyo alang sa mga migrant workers ug overseas Filipinos in distress nga nahisubay sa approved guidelines, criteria ug procedures.
Kini magamit lamang sa espisipikong katuyoan sama sa: (a) Bayad sa serbisyo sa abogado sa foreign lawyers alang nga nag-representar sa migrant workers nga nag-atubang og kaso ug uban pang bayronon; (b) Bail bonds alang sa pagkuha og temporary release of workers nga nabilanggo nga gi-rekomendar sa abogado; (c) Court fees, charges ug ubang litigation expenses nga e-rokemendar sa ilang abogado.
Ang OUMWA ang mo-isyu og guidelines, procedures ug criteria alang sa probisyon sa legal assistance services sa mga Filipino Migrant Workers ubos sa pagdumala ni Undersecretary of Migrant Workers’ Affairs -Jesus I. Yabes sa telepono (02) 834-4449; 551-0847(Fax) Email: oumwa@dfa.gov.ph. (Elvira Bongosia)
Like Us on Facebook: https://www.facebook.com/mindanaoexaminer
Follow Us on Twitter: https://twitter.com/MindanaoExamine
Read Our News on: http://www.mindanaoexaminer.com/ and http://www.mindanaoexaminer.net/
Share The News
20
