DIPOLOG CITY (Mindanao Examiner / July 4, 2013) – Atol sa pag-obserbar karon sa Nutrition Month ning bulan sa Hulyo sa tibuok nasud, miduyug ang kagamhanang Lokal sa Dipolog sa pag-obserbar niini pinaagi sa paghan-ay ug mga kalihukan alayon sa nasangpit nga selebrasyon.
Sa gihapon, nagapadayon ang pagbulok sa mga kalihokan pinaagi sa pagpahigayon sa supplemental feeding inubanan sa mga kompetisyon sa pinaka-himsog nga puya, pinakahimsog nga buros nga nanay, quiz bee sa mga nanay may kalabot na sa programang nutrisyon, milk-drinking contest, banana ug boiled-egg eating contest, kompetisyon sa nutritional food cooking, bansay-bansay sa mga programa sa nutrisyon, ug nutritional cooking demo alang sa mga nanay, ilabi na ang pagkunhod sa malnutrisyon sa mga kabataan nga nagpangidaron ug 5 ka tuig paubos.
Kahibalo-an nga ang dakbayan sa Dipolog ang kanunay nga makadawat ug pasidungog may kalabot na sa nutrition gumikan sa mga best pratices nga giimplementar niini.
Alayon usab niini nga kalihokan, ipasabot usab sa mga personahe sa Buhatan sa Impormasyon ang may kalabot na sa paglantaw sa Kagamhanang Lokal nga mao ang Swigapore 2030, ilabi na ang pagkab-ot niini sa 14 ka mga inisiyatibo nga gihan-ay atol sa implementasyon sa Performance Governance System. (cio-prr)
20