ZAMBOANGA CITY (Mindanao Examiner / June 25, 2013) – Patay ang isang kahera ng Aristocrat Restaurant sa Zamboanga City matapos na sumalpok ang kotseng sinasakyan nito sa nakaparadang truck nitong Martes ng madaling araw.
Nakilala ang nasawi na si Shiela Atilano, 35, dalaga; at ang sugatan naman ay si Dexter Climaco, 35, may-asawa.
Nabatid sa pulisya na inihatid ni Dexter ang dalaga sa kanilang bahay sa Barangay Mercedez kahapon ng madaling araw ng bumangga ang kotse ng lalaki sa truck.
Nasawi rin sa kotse si Shiela at samantalang si Dexter naman ay isinugod sa pagamutan dahil sa mga pinsala sa katawan.
Hindi pa mabatid kung bakit sumalpok si Dexter sa six-wheeler truck na nakaparada sa gilid ng kalsada sa harapan lamang ng planta ng Pepsi Cola.
“The victim (Shiela) sustained head and body injuries which caused her instantaneous death, while the driver also sustained body injuries and was rushed to Zamboanga City Medical Center for medical treatment,” ani Chief Inspector Ariel Huesca, a regional police spokesman. (Mindanao Examiner)
20