ZAMBOANGA CITY – Iniimbestigahan kahapon ng pulisya ang pagkakabaril sa isang 50-anyos na lalaki matapos diumanong tamaan ng bala habang patungo sa bahay ng kanyang kapatid sa Zamboanga City.
Nakilala ang biktima na si Hawati Hanapi at sa kanyang salaysay sa pulisya ay nagmamaneho umano ito ng kanyang motorsiklo sa Barangay Santa Catalina hating-gabi ng Lunes ng maramdaman nitong may sugat siya sa hita.
Agad naman itong sumugod sa West Metro Medical Center na kung saan ay ipina-alam ito ng pagamutan sa mga awtoridad.
Sa inisyal ng pahayag ng pulisya ay wala umanong nakuhang kapsula ng bala o slug sa naturang lugar. Hindi naman mabatid kung may narinig bang putok ng baril ang mga residente sa lugar.
Kamakalawa lamang, isang 28-anyos na lalaking si Felix Cuenca na lango sa alak ang nadakip ng pulisya matapos itong magpaputok ng 9mm pistol sa loob ng kanilang bahay sa Dapitan City sa Zamboanga del Norte.
Sinabi ni Chief Inspector Rogelio Alabata, ang regional police spokesman, na mismong ang ina ni Felix na si Rafaela Sorela ang nagsuplong sa pulisya sa ginawa ng kanyang anak. Mabuti na lamang umano at nadisarmahan ito ng sundalong kapatid ni Felix na si Private First Class Arnel Sorela, 25, ng Special Operation Command, at isinuko ang armas sa mga parak.
Nagtangka pang tumakas si Felix ngunit hinabol naman ito ng mga parak at nadakip agad at ngayon ay nahaharap sa mga kasong kriminal.
Mahigpit ang pagpapatupad ng pulisya ngayon sa mga indiscriminate firing ng baril dahil sa Kapaskuhan at sa susunog na buwan ay magsisimula na ang gun ban bilang paghahanda sa darating na halalan. (Mindanao Examiner)
Like Us on Facebook: https://www.facebook.com/mindanaoexaminer
Follow Us on Twitter: https://twitter.com/MindanaoExamine
Read Our News on: http://www.mindanaoexaminer.com / http://mindanaoexaminernewspaper.blogspot.com/
Share The News
https://mindanaoexaminer.com/ad-rates
20
