Makikita sa larawan na ipinasa sa Abante ng Sarangani Information Office si Rep. Manny Pacquiao sa kanyang pagdating kahapon. (Kuha ni Jake Narte)
SARANGGANI (Mindanao Examienr / Dec. 14, 2012) – Isang hero’s welcome ang bumulaga kay Congressman Manny Pacquiao ng dumating ito Biyernes ng umaga sa lalawigan ng Saranggani na kung saan ay sinalubong siya ng napakaraming mga supporters.
Kasama sa mga sumalubong kay Pacquiao at sa asawa nitong si Jinkee ay si Gov. Migs Dominguez at iba pang mga opisyal ng lalawigan. Humarap rin sa press conference si Pacquiao na ngayon ay nahaharap naman sa isang 120-day mandatory suspension mula sa Nevada State Athletic Commission.
Matatandaang si Pacquiao ay pinatulog ni Mexican pride Juan Manuel Marquez sa ika-6 na round sa kanilang laban sa Las Vegas.
Ayon sa promoter ni Pacquiao na si Bob Arum, ng Top Rank Promotions, ay kailangan sumailalim ang pound-for-pound king sa isang intensive brain tests sa Las Vegas upang masiguradong wala itong pinsala mula sa tinamong parusa kay Marquez.
Nakita sa buong mundo kung paano pinabagsak ni Marquez si Pacquiao at matagal bago ito nagising. Tinanong pa nito sa kanyang assistant trainer na si Buboy Fernandez kung tapos na ang laban.
Nagkaroon na rin ng inisyal na MRIO test si Pacquiao sa Cardinal Santos Hospital bago ito dumating sa Sarangani.
Nakatakda si Pacquiao na umuwi sa kanilang mansion sa General Santos City na kung saan ay isasagawa nito ang kanyang ika-34 na birthday na inaasahang dadaluhan ng publiko at ng mga artista at pulitiko. (Mindanao Examiner)
20