CEBU – Plano sa Department of Health (DOH) nga magpatuman og medical clearance sa mga Overseas Filipino workers (OFWs) nga mamaule sa Pilipinas gikan sa mga nasud nga apektado sa Ebola virus.
Matud pa ni Health Secretary Enrique Ona, himuon kini aron mahibaw-an kun nagbaton ba og exposure ang mga Pilipino sa usa ka tawo nga nagkasakit o namatay tungod sa Ebola.
Mahimo usab nga parte sa medical clearance ang magpabilin sila sa ilang panimalay sulod sa 21 ka adlaw human mobalik sa Pilipinas.
Himuon sa DOH ang medical screening sa mga OFWs nga maggikan sa tulo ka nasud – ang Liberia, Sierra Leone ug Guinea. Matud pa ni Ona, naa na sa kapin 40 ang gi-monitor karon sa DoH.
20