CEBU – Unahon pag-imbestigar ang mga milyonaryong polis o gitawag nga ‘millionaire cops’ o ang mga opisyal ug kawani sa Philippine National Police (PNP) nga adunay di mapasabot nga katigayonan kalabot sa himuong lifestyle check.
Matud pa ni Department of Interior and Local Government (DILG) Sec. Mar Roxas, magsugod sa mga heneral hangtud sa ubos nga ranggo o ‘top level up to bottom’ ang lifestyle check.
Giingong andam usab si Roxas na pangunahan ang pagpahigayon sa lifestyle check. Ang PNP ubos sa superbisyon ni Roxas.
“The lifestyle check would not be subjective, kahit star rank ka pa, Regional Directors, ano ang patakaran, yun ang magiging objective natin,“ matud pa ni Roxas.
Matud pa sa kalihim nga walay angay ikahadlok ang mga PNP generals alang sa maong lifestyle check kun walay gisudlan nga illegal nga mga aktibidades aron makakuha sa di mapasabot nga katigayonan.
Sa pagkakaron, gimugna na ang investigating team alang sa ipahigayong lifestyle check.
Gidapit na usab si BIR Commissioner Kim Henares aron mahimong miyembro sa Investigating team ug nakiag-alayon na usab siya sa Ombudsman kalabot niini.(ECB)
20