PAGADIAN CITY (Mindanao Examiner / July 9, 2014) – Usa ka babayeng myembro sa New People’s Army nga naila sa pangalan nga Mercy Maghinay nga may alyas nga Joyce – Secretary sa Section Committee “Feliciano B”, Western Mindanao Regional Party Committee – ang nadakpan human sa nahitabong panagsangka tali sa hiniusang pwersa sa Bayanihan team sa 10th Infantry Battalion, ug mga myembro sa guigang detachment ubos sa pagdumala sa 20th Special Forces Company ug mga sakop sa Siayan police sa may Sitio Guigang sa Barangay Guibo sa Siayan, Zamboanga del Norte kaniadtong Hulyo 7 samtang nagpahigayon ug security operations ang pwersa sa kagamhanan sa nahisgutang dapit.
Nakompiska gikan sa posisyon sa maong amazona ang mga musunod: usa ka kalibre 45 nga pistola; lima ka cell phone; usa ka homemade shotgun; usa ka granada; usa ka gatos kalibo ka pisos nga kantidad sa salapi ug personal nga mga kagamitan.
Ang dakong kantidad sa salapi nga nakompiska maoy abot sa ilang mga pag-pangilkil dala ang pag-panghulga sa mga lihitimong negosyante, contractors, mga kabos nga mag-uuma ug mga small scale operators/miners ug mga ordinaryong lumulopyo sa kabanikanhan ug kabukiran sa atong lalawigan.
Sa kasamtangan ang maong dinakpan nga amazona gi turn-over na sa 101st Infantry Brigade ngadto sa buhatan sa kapulisan sa Zamboanga del Norte provincial police office sa Dipolog City, human gipailalom sa medical check-up aron sa pag susi sa kondisyon sa iyang panglawas.
20