ZAMBOANGA SIBUGAY (Mindanao Examiner / Feb. 24, 2014) – Isang minero ang nagpatiwakal dahil sa umano’y problema nito sa kanyang dating asawa at kapwa trabahador sa bayan ng Malangas sa Zamboanga Sibugay province.
Ayon sa imbestigasyon ng pulisya ay nagbaril umano si Joel Macquiling, 39, sa kanyang bunganga sa loob ng kanilang bahay matapos na magpaalam sa kanyang 25-anyos na live-in partner.
Sinabi ng babae sa mga imbestigador na nagsumbong sa kanya si Joel – na isang coal miner – ukol sa problema nito sa unang asawa at mga kapwa minero sa naturang bayan at posibleng ito ang nagtulak sa biktima na magpatiwakal.
Palabas umano ng bahay si Joel ng isubo ang dulo ng kanyang .45-caliber pistol at saka ito kinalabit. Hindi naman makapaniwala ang babae sa nasaksihan at sinapit ng kinakasama.
Dinala pa umano sa pagamutan si Joel, ngunit patay na ito ng dumating doon. Hindi naman sinabi ng pulisya kung anong problema ang sukdulang bumagabag kay Joel at nakuha nitong kitilin ang sariling buhay. (Mindanao Examiner)
20