ZAMBOANGA CITY (Mindanao Examiner / Dec. 10, 2012) – Lumutang na umano ang inulat na nawawalang 3rd year student ng Ateneo de Zamboanga University matapos ng ilang araw na paghahanap sa kanya ng mnga magulang at kaibigan.
Ayon sa ulat ay nakauwi na ng kanilang bahay si Reniel Belmonte, 19, at napag-alaman na ito ay nanatili sa bahay ng isang kaibigan sa Zamboanga, ngunit hindi naman nagbigay ng pahayag ang babae o ang pamilya nito ukol sa kanyang “escapade.”
Matatandaang marami ang naghanap kay Reniel at maging mga kaklase at kaanak ay umapela sa Facebook upang mabatoid kung nasaan ito matapos na pumalyang umuwi sa kanilang bahay. Hindi rin ito nagpaalam sa mga magulang at ni hindi man lamang tumawag sa kanila.
Nadagdagan pa ang pangamba ng pamilya nito sa kanyang pagkawala dahil maging ang cell phone ng dalaga ay hindi rin makontak.
Nuong Oktubre 2007 ay isang nursing student ng Ateneo de Zamboanga na si Joed Anthony Pilangga ay inulat rin nna nawawala, ngunit yun pala ay dinukot na ito at dinala sa Basilan province at ipinatubos sa mga magulang. (Mindanao Examiner)
20