DAVAO CITY – Mukabat sa P 4.695 million ang gigasto sa local nga goberno sa siyudad sa Davao sa isip educational grant o assistance sa mukabat sa 184 ka mga scholars sa mga nagkadaiyang pribado ug pampublikong tulonghaan.
Nagpaabot sa iyang pahisubo si Davao City Mayor Rodrigo Duterte sa mga pamilyang nabiyaan sa ilang mga minahal sa kinabuhi kinsa nahimong biktima sa pagpabusikad sa bomba sa Sasa International Airport sa Bangoy Monteverde.
Gitambagan ni Duterte ang mga pamilya sa 22 ka mga namatay sa pagpamomba niadtong Marso 4, 2003 – 12 ka tuig na ang milabay – nga silang nasakitan kinahanglang mobiya sa ilang kasuko nga gibati – di sila kinahanglang magpadala sa ilang kasuko , kay kung magpadala sila sa ilang kasuko wala gyoy mahitabo.
“Makig-estorya ka ug taong suko ka, magnegotiate ka ug kaso makig-areglo ka unya ikaw nag-init ang imong ulo kay ang imong kasingkasing nagadugo, mawala ka sa normal nga dagan sa kinabuhi”, si Duterte nag-paklaro.
Gitmbagan sila sa Mayor nga kalimtan na lamang ang tanan, ka yang Ginoo man sab ang namulong nga mabanhaw siya gikan sa mga minatay aron sa paghukom sa mga buhi ug mga patay, usa ka panid sa biblia nga kanunay ginapasabot sa mga Kristiyanos.
Kini nga pasumbinguay na lang matud pa ang atong toohan aron nga makabangon ang matag pamilya kinsa may minahal sa kinabui nga nahimong biktima sa niluog nga krimen.
Si Duterte dugang namahayag nga magpaabot ta anang panahon nga manindog ang mga patay nga atong mga kaigsoonan unya huwesan ta sa Ginoo.
“Kamong tanan mga pulis, sundalo ug civilian huptan ang maong saad gikan sa atong Ginoo, sa pagkakaron ang pinakaepiktibo natong himoon mao ang pagsuporta sa atong Goberno,”si Duterte dugang namahayag.
Apan subling gpasabot sa mayor nga ang bugtong kasulbaran niining atong giatubang nga suliran ang padayon nga pakig-estoya sa mga grupong mikontra sa goberno, aron atong maangkon ang tinood nga kahusay ug kalinmaw nga atong ginadamgo dinhi sa Mindanao.
Adunay tambag ang mayor sa mga taong gusto ug gyera, siya miingon nga kining mga tawhana mas maayong moadto sa North Korea o sa Syberia kay didto matag karon ug unya ang kagubot.
“Di ta pwedeng mag-inisog sa ingon niini nga panahon, ug sundalo ta tanan walay problema, apan ang problema duna kitay pamilya, ang batakang institusyon sa atong kumonidad; naa man tay mga igsoon o anak nga sundalo ug pulis apan dili kitang tanan pweding makig asdang sa mga grupong mibatok sa atong gobyerno,” si Duterte nagtapos. (Roan R. Abasolo)
Like Us on Facebook: https://www.facebook.com/mindanaoexaminer
Follow Us on Twitter: https://twitter.com/MindanaoExamine
Read Our News on: http://www.mindanaoexaminer.com/ and http://www.mindanaoexaminer.net/
Share The News
20
