TAGUM CITY – Isang security guard ang napatay kaninang umaga matapos itong makipaglaban sa mga armadong nanloob sa 2 jewelry shops sa NCCC Malll sa Tagum City sa Davao del Norte sa Mindanao.
Naunahan diumano ng mga armado ang mga security guards sa nasabing mall kung kaya’t nagawa ng mga ito na mapasok ang lugar at mabilis na napagnakawan ang mga shops.
Tinatayang 9 na kalalakihan na pawang armado ng mga magtataas na kalibre ng armas ang nakatakas mula sa matagumpay na panloloob.
Kinumpirma sa Mindanao Examiner Regional Newspaper ni Insp. Anjanette Tirador, ng lokal na pulisya, na naisugod pa sa pagamutan ang security guard, ngunit binawian rin ito ng buhay dahil sa tinamong tama ng bala sa katawan.
Pinaghahanap na rin umano ng pulisya ang grupong nasa likod ng panloloob. Tumakas ang mga salarin sakay ng kanilang motorsiklo.
Nakuha sa lugar, ang mga basyo ng .45-caliber pistol at M16 baby rifle. Pinagaaralan na ng mga kapulisan ang kuha ng security cameras ng mall upang makilala ang mga salarin.
Hindi naman sinabi ng pamunuan ng mall kung magkanong halaga ng mga alahas ang natangay ng grupo. (Jayson Mag-usara)
Like Us on Facebook: https://www.facebook.com/mindanaoexaminer
Follow Us on Twitter: https://twitter.com/MindanaoExamine
Read Our News on: http://www.mindanaoexaminer.com / http://mindanaoexaminernewspaper.blogspot.com/
Share The News
https://mindanaoexaminer.com/ad-rates
20
