‘Alcaldesa Beng quiere obtene el propiedad del BARMM’
EL ALCALDESA Beng Climaco por otravez ya reitera el de su pelea y deseo del maga residentes para obtene el “Cabatangan Complex” del Bangsamoro Autonomous Region in Muslim Mindanao y alla construi el nuevo City Hall.
El Cabatangan que el antes bajo na Lupong Tagapagpaganap ng Pook es un propiedad del Autonomous Region in Muslim Mindanao y ahora el BARMM.
“We envision to build our new City Hall in (Cabatangan),” segun con el Alcaldesa Beng.
Y quierre tambien el Alcaldesa que regresa na Zamboanga el “regional center” del Western Mindanao que ahora alla na Pagadian City. Y el transferida del Zamboanga International Airport para na Barangay Mercedes por parte del plano para ensancha con el centro del pueblo para na costa este.
“We will remain persistent in our desire to return the Regional Center in Zamboanga City and lobby for the transfer of our Airport to Mercedes as we develop our Planned City Extension in the East Coast – un Nuevo Pueblo para todo ay goza,” she said.
Del pasao año, mismo el Alcaldesa Beng el ya hace mucho esfuerzos con el Presidente Rodrigo Duterte para obtene el propiedad de 72 hectareas Cabatangan Complex. El Secretario de Defensa, Delfin Lorenzana, el mismo ya habla con el Alcaldesa Beng que el Gobierno Nacional compra con el propiedad para na gobierno local.
El Alcaldesa Beng mismo ya entrega del 2018 con Secretario Lorenzana el maga lista y mapas de propiedades del ARMM o BARMM y incluido aqui el fotocopias de titulos de tierra na Cabatangan Complex.
Y los siguientes son maga edificios y estructuras de gobierno como el Department of Education, Department of Health Training Centers, Commission on Audit Regional Office 9, the Civil Service Commission Regional Office 9, the Population Commission Training Center, the National Telecommunications Commission, the Philippine Army Brigade, the Philippine Marines and the Philippine Navy barracks, y los demas pa. (Zamboanga Post)
Like Us on Facebook: The Mindanao Examiner
Like Us on Facebook: The Zamboanga Post
Follow Us on Twitter: Mindanao Examine
Read And Share Our News: Mindanao Examiner Website
Mirror Site: Mindanao Examiner Blog
Digital Archives: Mindanao Examiner Digital
Media Rates: Advertising Rates
20
