CEBU – SI LABOR Secretary Rosalinda Baldoz namahayag nga adunay gikatahong “tanim-bala” nga ga panghitabo sa mga airports dinhi sa nasud.
Gi awhag ni Baldoz ilabi na ang mga pasahero sa eroplano nga OFWs nga angay silang magmatngon ug magmabinantayon sa ilang mga bagahe. Kinahanglan nga dili sila magpalayo panahon sa inspeksyon ug kung adunay mamatikdan nga kadudahang lihok sa mga kawani sa airport I report gilayon sa mga nahitungdan nga opisyal.
Mas labing maayo nga mag inventory sa mga sulod sa bagahe sa dili pa moadto sa airport aron adunay ikapakita sa otoridad kung gikinahanglan alang sa himoong nga screening ug checking , matud ni Baldoz.
Nasubo ang labor and employment chief sa mga nahimong biktima sa “tanim-bala” scheme nga mga OFWs. Matud ni Baldoz nga ang maong panghitabo makahatag ug kahadlok sa mg OFWs ilabi na kadtong mopauli ug mo bakasyon sa nasud alang sa umalabot nga holidays.
Tungod niini, gimando-an ni Baldoz ang mga Overseas Workers Welfare Administration nga naka pwesto sa nagkalain laing airports nga magmatngon usab sa ilang pag ayuda sa OFWs nga mosulod ug mogawas sa nasud. (Leandria Pagunsan)
20
