SULU – Patuloy ang operasyon ng militar kontra Abu Sayyaf sa lalawigan ng Sulu kasabay ng pormal na pag-upo ni Pangulong Rodrigo Duterte, ngunit wala pang linaw kung maililigtas ba ng mga awtoridad ang mga dayuhang bihag ng notoryosong grupo.
Hawak ng Abu Sayyaf ang 7 Indonesian crew ng tugboat Charles, gayun rin ang isang Norwegian, isang Dutch at isang Hapon sa nasabing lalawigan na bahagi ng Muslim autonomous region sa Mindanao.
Sinabi naman ni Indonesian Foreign Minister Retno Marsudi na baswe sa kanyang impormasyon ay nasa maayos na kalagayan ang 7 nationals nila, ngunit madalas umanong nagpapalit-palit ng taguan ang Abu Sayyaf upang hindi matunton ng militar.
Hawak umano ni Abu Sayyaf sub-leader Alhabi Misaya ang mga Indonesians na sina Ferry Arifin, ang tugboat skipper; M. Mahbrur Dahri, Edi Suryono, Ismail, M.Nasir, M.Sofyan at Robin Piter. Humihing ang Abu Sayyaf ng 20 milyon ringgit na ransom kapalit ng kanilang bihag na dinukot noon June 22 habang pabalik sa East Kalimantan matapos mag-deliver ng coal sa Pilipinas. Pagaari ng PT Rusianto Brothers ang tugboat.
Ayon kay Duterte, kailangan nitong hingiin sa Moro National Liberation Front – na lumagda sa peace agreement sa pamahalaan noon September 1996 – ang kanilang commitment sa kanya bago nito tugunan ang problemang dulot ng Abu Sayyaf.
“Just give me the luxury of time, I cannot do it just immediately. There are things which I need which we do not have now. But there will be a time, there will be a reckoning. And when it comes, I will just say surrender unconditionally. Release all prisoners, hostages or we fight, but I have to have a firm commitment from our brother Moro about the continuity of the talks, hayaan na muna iyan, huwag silang sumama.”
“As soon as I get that guaranty na talagang peaceful ang intentions ninyo and you are not protecting terrorists and when I have it in my hands, I will be ready to confront and if we confront them, we’ll confront them, tapusin na talaga natin para wala ng gulo so that, my dream is really that one day all Filipinos, we just say Filipinos and we do not at all mention he’s left or right, he’s a Moro rebel or a Moro terrorist,” ani Duterte.
Walang pahayag ang MNLF ni Nur Misuari sa Sulu ukol dito. (Mindanao Examiner)
Like Us on Facebook: https://web.facebook.com/mindanaoexaminer
Follow Us on Twitter: https://twitter.com/MindanaoExamine
Read Our News on: http://www.mindanaoexaminer.com / http://mindanaoexaminernewspaper.blogspot.com/
Digital Archives: issuu.com/mindanaoexaminernewspaper
Share Our News
20
