GIDUSO sa Kamara ang balaodnong ilugway sa 90 ka adlaw ang maternity leave sa mga kababayen-ang empleyado aron mas makarekober sa dili pa mobalik sa trabaho.
Amyendahan sa House Bill 5701 ni Las Pinas Rep. Mark Villar ang kasamtangang balaod nga naghatag lamang og 60 ka adlaw nga maternity leave.
With pay ang 90-day maternity leave nga giduso ni Villar ug human niini, mahimo pang mohangyo og dugang 30 ka adlaw nga maternity leave ang empleyado pero wala na kini bayad. Nahisulod usab niining balaodnon ang mga single mother.
Ubos sa Commonwealth Act 647, limitado lamang sa mga kababayen-ang adunay bana ang ihatag nga maternity leave. Matud pa ni Villar, dili kini makatarungan tungod kay murag gi-konsiderar nga second class citizen ang mga single mother. (Elvira C. Bongosia)
20
