MISAMIS ORIENTAL – Giaghat sa pangagamhanang lokal sa Misamis Oriental ang aktibong paghilambigit sa tanang katawhan sa lalawigan alang sa planong hiniusang pagbatok sa sakit nga dengue, hilabina mayores, municipal health officers, barangay officials, purok leaders, barangay health workers, day care teachers, ug ang kinatibuk-ang pwersa sa Department of Education.
Sa resolution nga giduso sa Sangguniang Panlalawigan (SP), naghangyo sa tanang molupyo sa Misamis Oriental nga maggahin og panahon alang sa maong kalihukan, kung diin kitang tanan, hilabina ang kabataan maka-benepisyo sa luwas nga lalawigan batok sa nasangpit nga makamatay nga sakit.
Bisan si Gobernador Bambi Emano, uyon sa panawagan sa Sangguniang Panlalawigan, kung diin ang kalimpyo sa palibot maoy bugtong pamaagi aron makalikay sa nailang killer disease. Matud sa gobernador, dili na hulatan pa nga mobugwak ang hilabihang kadaghan sa ihap sa mabiktima sa dengue.
Unod sa nasangpit nga resolution sa SP, ang paggahin sa adlaw’ng biernes sa matag semana sa tanang lokal nga pangagamhanan, tunghaan, ug uban pa, alang sa pagpanglimpyo sa ilang palibot.
Gidaseg usab sa SP ang inadlaw nga pagpanglimpyo sa katawhan sa ilang tagsa-tagsa ka tugkaran. Duyog si Emano sa lakang sa Department of Health Region; samot sa SP resolution sa pinaagi nila ni Board Members Nancy Madjos, Dexter Yasay, ug Gerardo Sabal III, hilabina, matud pa sa gobernador, walay laing tambal o solusyon ning dengue outbreak kon dili ang kalimpyo lamang sa palibot nga kita katawhan maoy adunay dakung responsibilidad. (Mindanao Examiner, MisOr-PIO)
Like Us on Facebook: The Mindanao Examiner
Like Us on Facebook: The Zamboanga Post
Follow Us on Twitter: Mindanao Examine
Read And Share Our News: Mindanao Examiner Website
Mirror Site: Mindanao Examiner Blog
Digital Archives: Mindanao Examiner Digital
Media Rates: Advertising Rates
20
