ZAMBOANGA CITY – Sugatan kanina ang isang parak matapos itong barilin ng di-kilalang salarin sa Zamboanga City.
Nakilala ang biktima na si PO3 Al-Zhamier Arasid na ngayon ay nasa malubhang kalagayan dahil sa tama ng bala sa ulo. Sakay ng kanyang tricycle si Arasid ng ito ay dikitan umano ng salarin at saka pinaputukan.
Naganap ang pamamaril sa Natividad Street sa Barangay tetuan. Dating naka-destino ito sa lalawigan ng Basilan at hindi pa mabatid ang motibo sa atake o kung may kinalaman ba ito sa kanyang trabaho o hindi.
Walang umako sa atake at hindi rin nagbigay ng anumang pahayag ang pamilya ni Arasid sa naganap sa kanya. (Mindanao Examiner)
Like Us on Facebook: https://web.facebook.com/mindanaoexaminer
Follow Us on Twitter: https://twitter.com/MindanaoExamine
Read Our News on: http://www.mindanaoexaminer.com / http://mindanaoexaminernewspaper.blogspot.com/
Share Our News
Digital Archives: issuu.com/mindanaoexaminernewspaper
20
