ANG DEPARTMENT of Agriculture padayon nga mohatag sa mga serbisyo ug programa isip ayuda sa mga mag-uuma ug mangingisda nga mapalambo ang ilang mga abot ubos sa programang pang gobyerno ni Presidente Aquino.
Mao kini ang pahibalo ni Agriculture Secretary Proceso Alcala atol sa usa ka media briefing didto sa Quezon City nga gipahigayon ning bulan sa Enero.
Sugod karong tuiga lahutay sa tuig 2017, ang gobyerno mopahiluna ug mga imprastraktura ug ubang proyektong pang kalamboan ngadto sa mga lagyo nga umahan aron mapakubsan ang production cost sa abot sa mag-uuma ug aron usab makab-ot ang tinud-anay nga kompetitisyon sa binaligya-ay sa ilang mga produkto.
Ang DA nakahimo na sa mga programa ug serbisyo nga naka ayuda sa mga mag uuma sama sa rice mechanization program nga combine harvesters diin bayran sa gobyerno ang 85% niini ug ang 15% gikan sa grupo sa mga mag-uuma.
Gipasigarbo ni Alcala nga tungod sa maong programa nakab-ot sa nasud ang pinakataas nga rice harvest nga miabot ug 18.4 million metric tons niadtong tumalapos sa tuig 2013.
Dugang ni Alcala, sa tumong nga mapauswag pa ang rice production sa nasud nanghatag sila ug mga high quality seeds, fertilizers ug mga modernong pamaagi sa panguma.
Ang Philippine Statistics Authority sa ilang bahin mi taho nga ang rice production sa Pilipinas mi taas ngadto sa 9.55% in terms of value ug 0.33% in terms of volume sa milabayng siyam ka bulan.
Tungod niini ang ubang nasud sa Asia sama sa Korea nahimu-ot sa nakab-ot nga record harvest sa Pilipinas ug nanghinaut ang Korean government nga mapaambit usab ngadto kanila ang mga pamaaging gihimo sa atong agrikultura sa pagpadaghan sa rice production.
Si Alcala sa iyang pagbisita sa Korea niadtong 2014 miingon nga ang Korean government nahimuot sa gipakitang abilidad sa mga Pilipinong mag-uuma pagkab-ot sa pinakataas nga rice production sulod lamang sa tulo ka tuig nga sa ilang bahin nahimo nila sa gitas-ong unom ka tuig.
Sa laing kalamboan, mga local farmers padayon nga ga export sa mga de kalidad nga bugas sama sa black rice, red rice, jasponica rice ni Doña Maria ug SL Agritech, organic rice gikan sa Bicol ug Mindanao.
Ang DA pinaagi sa abag sa Land Bank of the Philippines mipaambit sa Sikat Saka Program isip pautang sa mga kwalipkadong mag-uuma nga makakuha sa 47,000 kada ektaryang ma tamnan sa certified seeds ug laing 52,000 kada ektaryang matamnan sa hybrid seeds.
Ang Land Bank mohatag sa maong pautang kutob lamang sa tag lima ka ektaryang yuta nga ma tamnan. (MBCN, LPP)
Like Us on Facebook: https://www.facebook.com/mindanaoexaminer
Follow Us on Twitter: https://twitter.com/MindanaoExamine
Read Our News on: http://www.mindanaoexaminer.com/ and http://www.mindanaoexaminer.net/
Share The News
20